દુનિયાની સૌથી સુંદર નદી: પાંચ રંગોનું સંગમ

કોલમ્બિયામાં આવેલી "કાનો ક્રિસ્ટલ્સ" (Cano Cristales) નદીને દુનિયાની સૌથી સુંદર નદી માનવામાં આવે છે. આ નદી વર્ષના અમુક મહિનાઓમાં લાલ, પીળો, લીલો, કાળો અને વાદળી એમ પાંચ રંગોમાં વહે છે. આ રંગો પાછળ કોઈ રસાયણ નહીં પણ "મેકારેનિયા ક્લેવિગેરા" નામનો એક ખાસ જલીય છોડ જવાબદાર છે. જૂન થી નવેમ્બર દરમિયાન આ છોડ ખીલે ત્યારે આખી નદી રંગબેરંગી ઈન્દ્રધનુષ જેવી દેખાય છે. તેનું પાણી એટલું ચોખ્ખું હોય છે કે તળિયાના પથ્થરો પણ સ્પષ્ટ જોઈ શકાય છે. પ્રકૃતિ પ્રેમીઓ માટે આ ધરતી પરનું સ્વર્ગ છે. પર્યાવરણની જાળવણી માટે અહીં પ્રવાસીઓની સંખ્યા પર નિયંત્રણ રાખવામાં આવે છે.