રાત્રે પ્રકાશિત થતું જંગલ: ડાંગની અનોખી ફંગસ

ગુજરાતના ડાંગ જિલ્લાના જંગલોમાં ચોમાસા દરમિયાન એક અદભૂત નજારો જોવા મળે છે, જ્યાં રાત્રે અમુક ઝાડ અને લાકડાઓ ચમકે છે. આ ચમક પાછળ "બાયોલ્યુમિનેસન્ટ ફંગસ" (Bioluminescent Fungus) જવાબદાર છે. આ ફૂગ રાત્રિના અંધકારમાં લીલાશ પડતો પ્રકાશ ફેલાવે છે, જે જંગલને પરીઓની વાર્તા જેવું બનાવી દે છે. વૈજ્ઞાનિક રીતે આને "લ્યુસિફેરિન" નામના રસાયણની પ્રતિક્રિયા માનવામાં આવે છે. ડાંગમાં પહેલીવાર આ પ્રકારની ફંગસ જોવા મળતા પ્રકૃતિ પ્રેમીઓમાં ભારે ઉત્સાહ છે. દિવસે તે સામાન્ય સફેદ ફૂગ જેવી દેખાય છે પણ રાત્રે રેડિયમની જેમ ઝળહળી ઉઠે છે. આ કુદરતી રોશની જોવા માટે ટ્રેકર્સ રાત્રિના સમયે જંગલની મુલાકાત લે છે.