રણમાં હજારો વર્ષો સુધી પાણી વગર જીવતું વૃક્ષ

નામીબના રણમાં એક એવું અનોખું વૃક્ષ જોવા મળે છે જે ૧૫૦૦ વર્ષથી પણ વધુ સમય સુધી જીવી શકે છે. આ વૃક્ષનું નામ "વેલ્વિશિયા મિરાબિલિસ" (Welwitschia mirabilis) છે. તેને જીવનભર માત્ર બે જ પાંદડા હોય છે, જે વર્ષો જતાં જમીન પર પથરાઈને ચીંથરેહાલ થઈ જાય છે. આ વૃક્ષ રણની અત્યંત ગરમી અને પાણીની અછતમાં પણ માત્ર ઝાકળના ભેજથી જીવતું રહે છે. તેની જડો ખૂબ જ ઊંડે સુધી જાય છે જેથી તે જમીનમાંથી ભેજ મેળવી શકે. વિજ્ઞાનીઓ આ વૃક્ષને "જીવંત અશ્મિ" (Living Fossil) તરીકે ઓળખાવે છે. કુદરતની આ કમાલ છે કે જયાં ઘાસ પણ ઉગતું નથી ત્યાં આ વૃક્ષ સદીઓ સુધી ટકી રહે છે.